Կլոպ. «Չելսիի» հետ հանդիպումները միշտ վտանգավոր են

10:12   21 սեպտեմբերի, 2019

Չեմպիոնների լիգայի գավաթակիր «Լիվերպուլի» գլխավոր մարզիչ Յուրգեն Կլոպը խոսել է Անգլիայի առաջնության 6-րդ տուրի՝ «Չելսիի» հետ արտագնա հանդիպման մասին:

Գերմանացի մասնագետը «Չելսիին» դժվար մրցակից է համարում և կարծում է, որ «Չելսիին» Լոնդոնում հաղթելու համար «Լիվերպուլը» պետք է անսխալ գործի:

«Շատ դեպքերում «Չելսին» ինձ հիշեցնում է իմ նախկին թիմին՝ «Բորուսիային»: Այս ակումբի դեմ շատ դժվար է մրցելը, երբ խաղում ես նրա ստադիոնում: 

Մենք մեկնում ենք Լոնդոն, որպեսզի 3 միավոր վաստակենք, սակայն գիտակցում ենք, թե ինչ մրցակից ունենք և որքան զգույշ պետք է գործենք»,- «Լիվերպուլի» մամուլի ծառայության հաղորդմամբ՝ ասել է Կլոպը:

«Չելսի» - «Լիվերպուլ» հանդիպումը տեղի կունենա սեպտեմբերի 22-ին՝ Երևանի ժամանակով 19:30-ին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։