Ալվես. Բրազիլիայում շատ դժվար է ֆուտբոլ խաղալը

18:41   20 սեպտեմբերի, 2019

Բրազիլիայի ազգային հավաքականի և «Սան Պաուլոյի» պաշտպան Դանի Ալվեսը խոսել է բրազիլական ֆուտբոլի խնդիրների մասին: 

«Բրազիլիայում ֆուտբոլ խաղալը շատ դժվար է: Այստեղ լավ վիճակում չեն ստադիոնների խոտածածկերը: Եվրոպական ֆուտբոլից հետո դժվար է Բրազիլիայում խաղալը:

Ուրախ եմ, որ «Սան Պաուլոյում» հանդես եմ գալիս ոչ թե պաշտպանության եզրերում, այլ կիսապաշտպանության կենտրոնում: Ես ունիվերսալ ֆուտբոլիստ եմ և կարող եմ օգտակար լինել իմ թիմին ցանկացած դիրքում»,- Ալվեսի խոսքը փոխանցում է TV Globo-ն:

Ալվեսն այս ամռանը հեռացավ ՊՍԺ-ից։ Նա անվճար տեղափոխվեց «Սան Պաուլո»՝ կնքելով երեք տարվա պայմանագիր։ 

Դանի Ալվեսն աշխարհի ամենատիտղոսակիր ֆուտբոլիստն է։ Նա ակումբների և Բրազիլիայի հավաքականի հետ նվաճել է 40 տիտղոս։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։