ԱԱ-2019․ Վարուժան Կաջոյանը պարտվեց 1/8 եզրափակիչում (ֆոտո)
12:28 20 սեպտեմբերի, 2019Նուրսուլթանում անցկացվող ազատ ոճի ըմբշամարտի աշխարհի առաջնության երկրորդ օրը Հայաստանի հավաքականից 74 կգ Վարուժան Կաջոյանը 1/8 եզրափակիչում գոտեմարտեց ուկրաինացի Վասիլ Միխայլովի հետ, որն էլ հաղթանակ տարավ 10։4 հաշվով։
Վարուժան Կաջոյանը պայքարը սկսել էր 1/16 եզրափակիչում եւ 10։2 հաշվով հաղթել լիտվացի Անդրիուս Մազեիկային։
Եթե Միխայլովը դուրս գա եզրափակիչ, Կաջոյանը սեպտեմբերի 21-ին սփոփիչ գոտեմարտերում կշարունակի պայքարը բրոնզե մեդալի համար գոտեմարտի ուղեգիր նվաճելու համար։
Հիշեցնենք, որ 125 կգ քաշային Լեւան Բերիանիձեն որակավորման փուլում գոտեմարտեց Ուկրաինան ներկայացնող Ալեքսանդր Խոցիանիվսկու հետ եւ պարտվեց 2։3 հաշվով։
Սեպտեմբերի 21-ին մրցագորգ դուրս կգան Գրիգոր Գրիգորյանը (79 կգ) եւ Հովհաննես Մխիթարյանը (86 կգ)։ Նրանց մրցակիցները հայտնի կդառնան սեպտեմբերի 20-ին։
Լուսինե Շահբազյան՝ Նուրսուլթանից
Աշխարհի առաջնության լուսաբանմանն աջակցում է Ucom-ը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։