NEWS.am Sport-ը ներկայացնում է #Corner Սամվել Սուքիասյանի հետ ֆուտբոլային նախագծի 47-րդ թողարկումը՝ հայկական ֆուտբոլում նախորդ օրերին տեղի ունեցած ամենահետաքրքիր իրադարձությունների ամփոփմամբ։
Հենրիխ Մխիթարյանը տպավորիչ նորամուտ ունեցավ «Ռոմայում»՝ գրավելով «Սասուոլոյի» դարպասը Իտալիայի առաջնության երրորդ տուրի խաղում՝ 4։2։
#Corner-ը ներկայացնում է ամենահետաքրքիրը Հայաստանի հավաքականի ավագի տեղափոխության մասին եւ բացառիկ կադրերով պատմում «Ռոմայում» 30-ամյա խաղացողի նորամուտի մասին։
Հայաստանի հավաքականի ֆուտբոլիստները շարունակում են արդյունավետ խաղ ցուցադրել արտասահմանում։ Վնասվածքից հետո խաղադաշտ վերադարձած Մարկոս Պիզելին դարձել է գոլի եւ գոլային փոխանցման հեղինակ, Էդգար Բաբայանն ու Տիգրան Բարսեղյանը երկուական գոլային փոխանցում են կատարել։
#Corner-ն այցելել է Չարենցավան, որտեղ տեղակայված է Հայաստանի Առաջին լիգայի ընթացիկ առաջատար «Վանը»։ Գերազանց ենթակառուցվածք, իսկական ֆուտբոլային մթնոլորտ եւ թրիլերային խաղ Երեւանի «Տորպեդոյի» հետ։ Ներկայացնում ենք հետաքրքիր ռեպորտաժ։
Շարունակվում է հետաքրքիր պայքար Բարձրագույն խմբում։ Արաս Օզբիլիսի առաջին գոլը «Փյունիկում», «Աշալկերտի» հաղթանակները Արմեն Ադամյանի գլխավորությամբ, «արարատյան» դերբին։
Վերջում էլ զավեշտալի կադրեր տարբեր երկրներից։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։