Ռիվալդո. Ֆատին հետ կպահի «Բարսելոնային» Նեյմարին վերադարձնելու մտքից

00:14   20 սեպտեմբերի, 2019

Կատալոնական «Բարսելոնայի» և Բրազիլիայի ազգային հավաքականի նախկին ֆուտբոլիստ Ռիվալդոն խոսել է «Բարսելոնայի» պատանեկան թիմի ֆուտբոլիստ, 16-ամյա Անսումանե Ֆատիի մասին, որը մեկնարկած մրցաշրջանն անցկացնում է Իսպանիայի չեմպիոնի հիմնական թիմի կազմում:

«Ֆատին հեռանկարային ֆուտբոլիստ է, իսկ «Բարսելոնայում» գիտեն՝ ինչպես պետք է օգտագործել երիտասարդ և տաղանդավոր ֆուտբոլիստներին: Վստահ եմ, որ Ֆատին իր խաղով հետ կպահի «Բարսելոնային» Նեյմարին վերադարձնելու մտքից:

«Բարսելոնան» Նեյմարին ձեռք բերելու համար պետք է վճարի ռեկորդային գումար, սակայն իր կազմում ունի այնպիսի տաղանդի տեր ֆուտբոլիստ, որը հնարավոր է՝ գերազանցի Նեյմարին»,- Ռիվալդոյի խոսքը մեջբերում է Goal.com-ը:

Հիշեցնենք, որ Անսումանե Ֆատին Իսպանիայի առաջնությունում մասնակցել է 3 հանդիպման՝ դառնալով 2 գոլի և 1 գոլային փոխանցման հեղինակ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։