Անգլիայի չեմպիոն «Մանչեսթեր Սիթիի» գլխավոր մարզիչ Խոսեպ Գվարդիոլան թիմի բրազիլացի կիսապաշտպան Ֆերնանդինյոյին Չեմպիոնների լիգայի խմբային փուլի առաջին տուրի՝ «Շախտյորի» հետ խաղում խաղադաշտ էր դուրս բերել կենտրոնական պաշտպանի դիրքում:
Հանդիպման ավարտից հետո 34-ամյա ֆուտբոլիստը հայտարարել է, որ իրեն դուր է եկել պաշտպանությունում հանդես գալը:
«Մարզումների ժամանակ փորձել եմ խաղալ կենտրոնական պաշտպանի դիրքում: «Շախտյորի» հետ խաղում Գվարդիոլան որոշեց ինձ փորձել հենց այդ դիրքում, և ամեն ինչ հաջող ստացվեց: Ինձ դուր է եկել պաշտպանությունում խաղալը»,- BT Sport-ը մեջբերում է Ֆերնանդինյոյի խոսքը:
Հիշեցնենք, որ C խմբում ընդգրկված «Մանչեսթեր Սիթին» արտագնա խաղում 3:0 հաշվով հաղթանակ տարավ «Շախտյորի» նկատմամբ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։