Բրազիլիայի ազգային հավաքականի նախկին ֆուտբոլիստ Ռիկարդո Կական խոսել է Ֆրանսիայի չեմպիոն ՊՍԺ-ի հարձակվող Նեյմար Ժունիորի մասին, որը ամառային տրանսֆերային պատուհանի ընթացքում մոտ էր կատալոնական «Բարսելոնա» տեղափոխվելուն:
«Կարծում եմ, որ «Բարսելոնա» չտեղափոխվելը ճիշտ որոշում էր Նեյմարի համար: ՊՍԺ-ն հրաշալի թիմ է հավաքել և մեծ հավակնություններ ունի այս մրցաշրջանում:
ՊՍԺ-ում Նեյմարը կարող է դառնալ առաջատար և իր հետևից տանել թիմը, իսկ «Բարսելոնայում» դա անել նրան չէր հաջողվի»,- Կակայի խոսքը փոխանցում է Sky Sports-ը:
Նեյմարը «Բարսելոնայից» ՊՍԺ է տեղափոխվել 2017 թվականի ամռանը: Ֆրանսիական ակումբը Նեյմարի տեղափոխության դիմաց վճարել է ռեկորդային գումար՝ 222 միլիոն եվրո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։