Էմերին նշել է Օզիլին «Արսենալի» հայտացուցակից դուրս թողնելու պատճառը

18:50   19 սեպտեմբերի, 2019

Լոնդոնի «Արսենալի» գլխավոր մարզիչ Ունաի Էմերին խոսել է Եվրոպայի լիգայի խմբային փուլի առաջին տուրի՝ «Այնտրախտ Ֆրանկֆուրտի» հետ առաջիկա խաղին թիմի գերմանացի կիսապաշտպան Մեսութ Օզիլի մասնակցության մասին:

«Օզիլը չի մասնակցի «Ֆրանկֆուրտի» հետ խաղին, քանի որ նրան հանգիստ է հարկավոր: Օզիլից բացի, հանգստանալու հնարավորություն է ստացել նաև Սոկրատիս Պապաստատոպուլոսը: Առջևում մեծ թվով հանդիպումներ են լինելու, և եթե մենք ռոտացիայի չդիմենք, շատ դժվար կլինի արդյունավետ խաղեր անցկացնելը»,- ակումբի մամուլի ծառայությունը մեջբերում է Էմերիի խոսքը:

Այնուամենայնիվ, բրիտանական տարբեր ԶԼՄ-ների հաղորդմամբ՝ Օզիլը չի մասնակցի «Ֆրանկֆուրտի» հետ հանդիպմանը, քանի որ չի ցանկանում մեկնել Գերմանիա և վատ ընդունելության արժանանալ գերմանացի երկրպագուների կողմից: Նախորդ տարի Օզիլը Թուրքիայի նախագահի հետ ունեցած ջերմ հարաբերությունների պատճառով քննադատության ենթարկվելուց հետո ստիպված եղավ ավարտել կարիերան Գերմանիայի հավաքականում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։