Ռոջեր Ֆեդերերը չի բացառել մասնակցությունը Տոկիոյի Օլիմպիական խաղերին

12:49   18 սեպտեմբերի, 2019

Աշխարհի երրորդ ռակետ, «Մեծ սաղավարտի» մրցաշարի 20-ակի հաղթող, շվեյցարացի թենիսիստ Ռոջեր Ֆեդերերը չի բացառել մասնակցությունը 2020թ․ Տոկիոյի Օլիմպիական խաղերին։

«Կձգտեմ առաջիկա շաբաթների ընթացքում որոշում ընդունել 2020թ․ Օլիմպիական խաղերին մասնակցելուս վերաբերյալ։ Պետք է գնահատեմ ֆիզիկական վիճակս։ Նաեւ ցանկանում եմ առայժմ լինել ընտանիքիս հետ»,- Ֆեդերերի խոսքը մեջբերում է AP-ն։

38-ամյա Ֆեդերերը մասնակցել է 4 Օլիմպիական խաղերի։ 2008-ին շվեյցարացի Սթեն Վավրինկայի հետ նվաճել է չեմպիոնի կոչումը զուգախաղում։ 2012-ին դարձել է մենախաղի փոխչեմպիոն։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։