Արթուր Ալեքսանյան․ Հարգելի հայրենակիցներ, անչափ շնորհակալ եմ՝ ինձ երկրպագելու և դժվար պահին սատարելու համար
09:11 18 սեպտեմբերի, 2019Օլիմպիական չեմպիոն, Եվրոպայի քառակի եւ աշխարհի եռակի չեմպիոն Արթուր Ալեքսանյանը Նուրսուլթանում ավարտված աշխարհի առաջնությունում 97 կգ քաշային կարգում փոխչեմպիոնի կոչումը եւ 2020թ․ Տոկիոյի Օլիմպիական խաղերի ուղեգիրը նվաճելուց հետո շնորհակալություն է հայտնել երկրպագուներին աջակցության համար։
«Հարգելի հայրենակիցներ, անչափ շնորհակալ եմ բոլորիդ՝ ինձ երկրպագելու և դժվար պահին սատարելու համար: Շատ եմ ցավում, որ լուրջ վնասվածքը խանգարեց՝ հաղթանակի բերկրանք պարգևել ձեզ: Հավատացնում եմ, որ դեռ շատ եմ հաղթելու, դուք էլ շատ եք ուրախանալու: Աստված բոլորիս պահապան»,- գրել է Արթուր Ալեքսանյանն Ինստագրամում:
Հիշեցնենք, որ Արթուր Ալեքսանյանը կողոսկրի վնասվածքի պատճառով չմասնակցեց եզրափակիչ գոտեմարտին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։