Նոյերը նշել է «Բավարիայի» գլխավոր նպատակը Չեմպիոնների լիգայում

23:18   17 սեպտեմբերի, 2019

Մյունխենի «Բավարիայի» և Գերմանիայի ազգային հավաքականի դարպասապահ Մանուել Նոյերը խոսել է մեկնարկած մրցաշրջանում Չեմպիոնների լիգայում «Բավարիայի» գլխավոր նպատակի և իր մարզավիճակի մասին: 

«Նախորդ մրցաշրջանում մենք բավականին շուտ լքեցինք պայքարը: Այս մրցաշրջանում խնդիր ունենք հասնել նվազագույնը մրցաշարի կիսաեզրափակիչ: Վստահ եմ, որ մեզ մոտ ամեն ինչ ստացվելու է:

Կարծում եմ, որ վնասվածքից ապաքինվելուց հետո ավելի լավ ֆուտբոլ եմ ցուցադրում: Այժմ շատ լավ մարզավիճակում եմ գտնվում»,- 33-ամյա դարպասապահի խոսքը փոխանցում է Bild-ը:

Հիշեցնենք, որ նախորդ մրցաշրջանում «Բավարիան» Չեմպիոնների լիգայի 1/8 եզրափակիչում պարտվեց «Լիվերպուլի» հետ դիմակայությունում:

Ընթացիկ մրցաշրջանում «Բավարիան» Չեմպիոնների լիգայում ընդգրկված է B խմբում, որտեղ Գերմանիայի չեմպիոնի մրցակիցներն են անգլիական «Տոտենհեմը», հունական «Օլիմպիակոսը» և սերբական «Ցրվենա Զվեզդան»:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։