Մարզական վճռաբեկ դատարանը (CAS) մասնակի բավարարել է Ֆրանսիայի չեմպիոն ՊՍԺ-ի բողոքարկումը բրազիլացի հարձակվող Նեյմարի որակազրկման վերաբերյալ։
Չեմպիոնների լիգայի նախորդ մրցաշրջանի 1/8 եզրափակիչի «Մանչեսթեր Յունայթեդի» հետ պատասխան խաղում (1:3) մրցավարներին անպատվելու համար Նեյմարը որակազրկվել էր եվրագավաթային երեք խաղով։ Դատարանը որակազրկումը կրճատել է մինչեւ երկու հանդիպում։
Նեյմարը կկարողանա մասնակցել Չեմպիոնների լիգայի խմբային մրցաշարի երրորդ տուրի հանդիպմանը բելգիական «Բրյուգեի» դեմ։
Նա բաց կթողնի առաջին երկու տուրերի խաղերը Մադրիդի «Ռեալի» եւ Ստամբուլի «Գալաթասարայի» դեմ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։