Բանտից պայմանական վաղաժամկետ ազատ արձակված ռուսաստանցի հարձակվող Ալեքսանդր Կոկորինը պայմանագիր է կնքել Սանկտ Պետերբուրգի «Զենիթի» հետ, որի հետ նախորդ պայմանագրի ժամկետը լրացել էր հունիսին։ «Զենիթն» արդեն համապատասխան փաստաթուղթն ուղարկել է Ռուսաստանի ֆուտբոլային միություն ֆուտբոլիստին գրանցելու համար, հաղորդում է sports.ru-ն։
Բանտից պայմանական վաղաժամկետ ազատ արձակված ռուսաստանցի կիսապաշտպան Պավել Մամաեւի պայմանագիրը «Կրասնոդարի» հետ նախատեսված է մինչեւ այս տարվա դեկտեմբերի 31-ը։ Ակումբը մտադիր է ժամանակից շուտ խզել պայմանագիրը Մամաեւի հետ։
Հիշեցնենք, որ 2018թ․ հոկտեմբերի 8-ին ռուս ֆուտբոլիստները Մոսկվայում ծեծել էին ռուսական Առաջին ալիքի հաղորդավարուհի Օլգա Ուշակովայի վարորդին՝ նրան հասցնելով գանգուղեղի ծանր վնասվածքներ: Դրանից հետո Կոկորինն ու Մամաեւը սրճարանում հարձակվել էին Ռուսաստանի արդյունաբերության եւ առեւտրի նախարարության ներկայացուցիչ Դենիս Պակի վրա:
Կոկորինը դատապարտվել էր 1,6 տարվա, Մամաեւը՝ 1,5 տարվա ազատազրկման։
Դատարանը բավարարել էր նրանց պայմանական վաղաժամկետ ազատ արձակման միջնորդությունը։Հ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։