Չեմպիոնների լիգայի գավաթակիր, Անգլիայի փոխչեմպիոն «Լիվերպուլի» գերմանացի գլխավոր մարզիչ Յուրգեն Կլոպը չի համարում, որ իր գլխավորած թիմը լավագույնն է Եվրոպայում։
«Աշխարհում շատ են ուժեղ թիմերը, պետք է մշտապես համապատասխանել ամենաբարձր մակարդակի պահանջներին։ Մենք չենք կարող համարվել լավագույնը Եվրոպայում, քանի որ աշխարհում լավագույնը «Մանչեսթեր Սիթին» է։ Անցած մրցաշրջանում մենք շատ լավ խաղացինք, բայց չենք կարող առաջինը համարվել»,- Յուրգեն Կլոպի խոսքը մեջբերում է BBC-ն։
Անցած մրցաշրջանում չեմպիոն «Մանչեսթեր Սիթին» նվաճել է Անգլիայի բոլոր տիտղոսները։
Անգլիայի ընթացիկ առաջնությունում «Լիվերպուլը» 5 տուրից հետո 15 միավորով գլխավորում է մրցաշարային աղյուսակը, «Մանչեսթեր Սիթին» հետ է 5 միավոր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։