Տեր Շտեգեն. Համաձայն չեմ Նոյերի հետ
23:35 16 սեպտեմբերի, 2019Կատալոնական «Բարսելոնայի» և Գերմանիայի ազգային հավաքականի դարպասապահ Մարկ-Անդրե Տեր Շտեգենը խոսել է Մյունխենի «Բավարիայի» դարպասապահ Մանուել Նոյերի կատարած հայտարարության մասին:
«Համաձայն չեմ Նոյերի հետ: Գերմանիայի հավաքականում հանդես են գալիս մեծ թվով ֆուտբոլիստներ, որոնք ցանկանում են ստանալ իրենց հնարավորությունը և խաղադաշտ դուրս գալ: Պետք է հնարավորություն տալ բոլորին և խրախուսել մրցակցությունը հավաքականում»,- Bild-ի հաղորդմամբ՝ ասել է Տեր Շտեգենը:
Ավելի վաղ Մանուել Նոյերը հայտարարել էր, որ չի պատրաստվում դուրս մնալ Գերմանիայի հավաքականի մեկնարկային կազմից, իսկ Տեր Շտեգենին խորհուրդ էր տվել սպասել իր հնարավորությանը:
33-ամյա Մանուել Նոյերը Գերմանիայի ազգային հավաքականում հանդես է գալիս 2009 թվականից, իսկ 27-ամյա Տեր Շտեգենը՝ 2012 թվականից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։