ԱԱ–2019. Արթուր Ալեքսանյանը չի մասնակցի եզրափակիչ գոտեմարտին
17:12 16 սեպտեմբերի, 2019Արթուր Ալեքսանյանը չի մասնակցի եզրափակիչ գոտեմարտին։ Այս մասին NEWS.am Sport-ի թղթակիցին Նուրսուլթանում հայտնեց Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը։
Արթուր Ալեքսանյանը եւ հունահռոմեական ըմբշամարտի Հայաստանի թիմը որոշել են հրաժարվել 97 կգ քաշային կարգի եզրափակիչ գոտեմարտից՝ Արթուր Ալեքսանյանի վնասվածքի պատճառով։
Հիշեցնենք, որ սեպտեմբերի 15-ին Արթուր Ալեքսանյանը 5 գոտեմարտ անցկացրեց եւ վերջին կիսաեզրափակիչ գոտեմարտից հետո կողոսկրի վնասվածք ստացավ։ Վնասվածքն ավելի արտահայտիչ էր կիաեզրափակիչում հաղթելուց հետո գորգից իջնելիս։ Օլիմպիական չեմպիոնը դժվարությամբ էր շնչում, ուժեղ ցավ էր զգում ձախ կողային հատվածում։
Սեպտեմբերի 16-ին ամբողջ օր հավաքականի մարզչական շտաբը հստակ պատասխան չէր տալիս՝ դուրս կգա Արթուր Ալեքսանյանը մրցագորգ, թե ոչ։ Եզրափակիչ գոտեմարտի մեկնարկից վայրկյաններ առաջ մարզիչները հայտարարեցին, որ Արթուրը դուրս չի մրցագորգ, քանի որ ցավերը չեն հանգստացել եւ կխանգարեն գոտեմարտի ընթացքում։
Հիշեցնենք, որ երզափակիչում Արթուր Ալեքսանյանը աշխարհի չեմպիոնի տիտղոսը վիճարկելու էր ռուսաստանցի Մուսա Եվլոեւի հետ։ Արթուր Ալեքսանյանը արծաթե մեդալ կստանա։ Իսկ այս քաշային կարգում աշխարհի չեմպիոնի կոչմանը կարժանանա Մուսա Եվլոեւը։ Արթուր Ալեքսանյանը կմասնակցի պարգեւատրման արարողությանը։
Լուսինե Շահբազյան՝ Նուրսուլթանից
Աշխարհի առաջնության լուսաբանմանն աջակցում է Ucom-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.