ԱԱ-2019․ Կարապետ Չալյանը դուրս եկավ կիսաեզրափակիչ եւ ապահովեց օլիմպիական ուղեգիր (ֆոտո)
13:45 16 սեպտեմբերի, 2019Ղազախստանի մայրաքաղաք Նուրսուլթանուում շարունակվող հունահռոմեական ըմբշամարտի աշխարհի առաջնությունում Հայաստանի հավաքականի ներկայացուցիչ Կարապետ Չալյանը նվաճեց կիսաեզրափակիչի եւ 2020թ․ Տոկիոյի Օլիմպիական խաղերի ուղեգիր։
77 կգ քաշային կարգի քառորդ եզրափակիչում Կարապետ Չալյանը 5։4 հաշվով ծանր հաղթանակ տարավ Բելառուսի ներկայացուցիչ Պավել Լյախի նկատմամբ, որը 1/8 եզրափակիչում 9։1 հաշվով հաղթել էր թուրք Ֆաթիհ Չենգիզին։
Հիշեցնենք, որ 1/8 եզրափակիչում Չալյանը ժամանակից շուտ, երկրորդ մրցափուլում 9։0 հաշվով պարտության էր մատնել Վենեսուելայի ներկայացուցիչ Ռիվաս Էսպինոյին։
Կարապետ Չալյանը 1/16 եզրափակիչում 4։2 հաշվով հաղթել էր ճապոնացի Շոհեի Յաբիկուին։
Հայաստանի ներկայացուցիչներից սեպտեմբերի 16-ին 60 կգ քաշային Գեւորգ Ղարիբյանը 1/16 եզրափակիչում գոտեմարտել էր ուզբեկ Էլմուրատ Տասմուրադովի հետ եւ պարտվել 0։7 հաշվով։
Լուսինե Շահբազյան՝ Նուրսուլթանից
Աշխարհի առաջնության լուսաբանմանն աջակցում է Ucom-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.