ԱԱ-2019․ Արամ Վարդանյանն ու Ստեփան Մարյանյանը՝ փոխչեմպիոններ, Հայկ Մնացականյանը՝ բրոնզե մեդալակիր
20:50 15 սեպտեմբերի, 2019Ղազախստանի մայրաքաղաք Նուրսուլթանում շարունակվող հունահռոմեական ըմբշամարտի աշխարհի առաջնությունում Ռուսաստանի համար առաջին ոսկե մեդալը նվաճեց 72 կգ քաշային Աբույազիդ Մանցիգովը, որը քառորդ եզրափակիչում 4։0 հաշվով հաղթել էր Հայաստանի ներկայացուցիչ Մալխաս Ամոյանին։
Եզրափակիչում Մանցիգովը գոտեմարտեց Ուզբեկստանը ներկայացնող Արամ Վարդանյանի հետ եւ հաղթեց 9։0 հաշվով։
Բրոնզե մեդալակիրներ դարձան Բուլղարիան ներկայացնող Հայկ Մնացականյանը եւ հունգարացի Բալինտ Կորպաշին։
63 կգ քաշային կարգի եզրափակիչում Ռուսաստանի ներկայացուցիչ Ստեփան Մարյանյանը 4։10 հաշվով պարտվեց ճապոնացի Սինոբու Օտեին եւ բավարարվեց արծաթե մեդալով։
Կիսաեզրափակիչում Մարյանյանը հաղթել էր Հայաստանի ներկայացուցիչ Սլավիկ Գալստյանին, որը դարձավ բրոնզե մեդալակիր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։