ԱԱ-2019. Հայկական դիմակայությունում Սլավիկ Գալստյանը պարտություն կրեց

16:28   14 սեպտեմբերի, 2019

Նուրսուլթանում ընթացող ըմբշամարտի աշխարհի առաջնությունում տեղի ունեցան 63 կգ քաշային կարգի կիսաեզրափակիչի գոտեմարտերը:

Հայաստանը ներկայացնող, Եվրոպայի մինչեւ 23 տարեկանների փոխչեմպիոն Սլավիկ Գալստյանը մրցում էր անցած տարվա աշխարհի չեմպիոն, այս տարվա Եվրոպայի չեմպիոն, Եվրոպական երկրորդ խաղերի չեմպիոն, ռուսաստանահայ Ստեփան Մարյանյանի հետ:

Սլավիկ Գալստյանն առաջին փուլում հաղթում էր 2:0 հաշվով, սակայն Ստեփան Մարյանյանին երկրորդ փուլում հաջողվեց 3 միավոր վաստակել և հաղթել 3:2 հաշվով:

Սլավիկ Գալստյանը 1/8 եզրափակիչում 16:7 հաշվով կամային հաղթանակ էր տարել ադրբեջանցի Էլման Մուխտարովի նկատմամբ, իսկ քառորդ եզրափակիչում՝ 3:3 հաշվով (վաստակած վերջին միավորի շնորհիվ) հաղթել Ուզբեկստանի ներկայացուցիչ Իսլամյոն Բահրամովին:

Եզրափակիչում Ստեփան Մարյանյանը կմրցի Ճապոնիան ներկայացնող Շինոբու Օտայի հետ, որը 10:1 հաշվով հաղթեց Ղազախստանը ներկայացնող Ալմատ Կեբիսպաևին: Սլավիկ Գալստյանի մրցակիցը բրոնզե մեդալի համար գոտեմարտում հայտնի կդառնա սեպտեմբերի 15-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։