Չեմպիոնների լիգայի գավաթակիր «Լիվերպուլի» գլխավոր մարզիչ Յուրգեն Կլոպը խոսել է թիմի դարպասապահ Ալիսոն Բեքերի ապաքինման ընթացքի մասին:
«Ալիսոնի ապաքինումը լավ է ընթանում, սակայն մենք չենք ցանկանում ռիսկի դիմել նրա առողջության հարցում: Նրա վնասվածքն, իրոք, շատ լուրջ էր, և նա կսկսի մարզվել միայն այն ժամանակ, երբ լիովին պատրաստ կլինի:
Հուսով եմ, որ Ալիսոնը կկարողանա խաղադաշտ վերադառնալ հոկտեմբերի կեսերին, երբ տեղի ունենան ազգային հավաքականների հերթական հանդիպումները»,- «Լիվերպուլի» պաշտոնական կայքի հաղորդմամբ՝ ասել է գերմանացի մարզիչը:
Ալիսոն Բեքերը վնասվածք էր ստացել Պրեմիեր լիգայի առաջին տուրի՝ «Նորվիչի» հետ խաղում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։