Անգլիական «Մանչեսթեր Յունայթեդի» լեգենդար նախկին դարպասապահ Էդվին Վան դեր Սարը խոսել է մանչեսթերյան ակումբի իսպանացի դարպասապահ Դավիդ Դե Խեայի շուրջ ստեղծված իրավիճակի մասին:
«Ժամանակն է, որպեսզի «Մանչեսթեր Յունայթեդը» որոշում ընդունի Դե Խեայի հարցում: Դե Խեան հրաշալի դարպասապահ է, և ես համոզված եմ, որ նրա խաղում առկա ճգնաժամը շատ շուտով կվերանա:
Այնուամենայնիվ, եթե Դե Խեան որոշի հեռանալ, «Մանչեսթեր Յունայթեդը» կարող է այլ դարպասապահ ձեռք բերել: Նա անփոխարինելի չէ»,- Վան դեր Սարի խոսքը մեջբերում է BBC-ն:
Ավելի վաղ հայտնի էր դարձել, որ «Մանչեսթեր Յունայթեդին» հաջողվել է համաձայնության գալ Դե Խեայի հետ նոր պայմանագրի հարցում: 28-ամյա դարպասապահի պայմանագիրն ակումբի հետ նախատեսված է մինչև 2020 թվականի ամառ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։