Ֆլորենտինո Պերես. Երազանքս է «Ռեալը» տեսնել NBA-ում

14:35   13 սեպտեմբերի, 2019

Մադրիդի «Ռեալի» նախագահ Ֆլորենտինո Պերեսը հայտարարել է, որ երազանքն է Արքայական ակումբի բասկետբոլային թիմը տեսնել հյուսիսամերիկյան Բասկետբոլի ազգային ասոցիացիայում (NBA):

«Բասկետբոլում «Ռեալն» անցկացնում է բազմաթիվ հանդիպումներ, որոնք որեւէ կարեւորություն չունեն: Ավելի լավ է քիչ խաղալ, բայց լավ խաղալ: Մենք դիտարկում էինք Եվրոպական լիգա ստեղծելու հնարավորությունը: Բացի այդ ես խնդրել էի Բասկետբոլի ազգային ասոցիացիայի ղեկավարությանը «Ռեալն» ընդգրկել NBA-ի Արեւելյան կոնֆերենցիայում, սակայն նրանք պատասխանեցին, որ դա շուտ տեղի չի ունենա: Իմ երազանքն է «Ռեալը» տեսնել NBA-ում»,- Ֆլորենտինո Պերեսի խոսքը մեջբերում է ESPN-ը:

«Ռեալը» 34 անգամ նվաճել է Իսպանիայի չեմպիոնի տիտղոսը, 10 անգամ դարձել է Եվրալիգայի հաղթող:

NBA-ում հանդես է գալիս 30 թիմում. 15-ական՝ Արեւելքում եւ Արեւմուտքում:



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։