«Բարսելոնայի» գլխավոր մրցակիցները ՉԼ-ում. Մեսիի վարկածը

13:26   13 սեպտեմբերի, 2019

Իսպանիայի չեմպիոն «Բարսելոնայի» ավագ Լիոնել Մեսին նշել է կատալոնական թիմի գլխավոր մրցակիցներին Չեմպիոնների լիգայի գավաթի համար պայքարում:

«Բոլոր հիմնական մրցակիցները հզորացրել են կազմը: «Աթլետիկոն» կառուցել է գերազանց թիմ եւ կատարել մի քանի լավ ձեռքբերումներ: «Աթլետիկոն» բոլորից շատ էր թուլացել այս ամռանը, սակայն արդյունքում՝ հավաքեցին գերազանց կազմ, որով կարելի է բազմաթիվ խաղային տարբերակներ փորձել:

«Ռեալը» նույնպես շատ լավ ուժեղացել է: Նրանք ընդհանուր առմամբ պահպանեցին կազմը եւ ձեռք բերեցին կարեւոր խաղացողների, օրինակ, Ազարին:

«Յուվենտուսն» ու «Մանչեսթեր Սիթին» նույնպես մտածել են կազմի ուժեղացման մասին: Այս թիմերն էլ «Բարսելոնայի» հետ կլինեն գլխավոր ֆավորիտները Չեմպիոնների լիգայում»,- Մեսիի խոսքը մեջբերում է Sport.es-ը:

Խմբային փուլում «Բարսելոնան» կմրցի Դորտմունդի «Բորուսիայի», Միլանի «Ինտերի» եւ չեխական «Սլավիայի» հետ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։