Ամռանը կատարվել է 5,79 միլիարդ դոլարի 8935 տրանսֆեր

09:16   13 սեպտեմբերի, 2019

Ֆուտբոլի միջազգային ֆեդերացիան ներկայացրել է 2019թ. ամառային տրանսֆերային պատուհանի վիճակագրությունը: Հունիսի 1-ից սեպտեմբերի 2-ը տեղի է ունեցել ֆուտբոլիստների 8935 տրանսֆեր, ինչը 4,8 տոկոսով գերազանցում է 2018թ. ամռան  տրանսֆերների քանակը:

Գործարքների ընդհանուր գումարը կազմել է 5,79 միլիարդ դոլար, ինչը 9 տոկոսով գերազանցում է 2018-ի ցուցանիշը: Այդ գումարից 4,38 միլիարդը ծախսել են հինգ առաջատար եվրոպական լիգաների ակումբները, 1,41 միլիարդը՝ մյուս առաջնությունների ակումբները:

2019-ի ձմեռային եւամառային տրանսֆերային պատուհանների ընթացքումմ ակումբները ծախսել են 7,31 միլիարդ դոլար:

Ամենաշատ տրանսֆերային գործարքները տեղի են ունեցել Անգլիայում, Իսպանիայում, Իտալիայում, Գերմանիայում եւ Ֆրանսիայում: Միայն Անգլիայում այս ամռանը ակումբները վաճառել են 478 ֆուտբոլիստի, գնել 536-ի:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։