Մբապեն չի մասնակցի «Ռեալի» հետ հանդիպմանը
22:50 12 սեպտեմբերի, 2019Ֆրանսիայի չեմպիոն ՊՍԺ-ի հարձակվող Կիլիան Մբապեն չի կարողանա մասնակցել Չեմպիոնների լիգայի խմբային փուլի առաջին տուրի՝ Մադրիդի «Ռեալի» հետ խաղին, հաղորդում է Le Parisien-ը:
20-ամյա հարձակվողը շարունակում է ապաքինվել Ֆրանսիայի առաջնության երրորդ տուրի՝ «Թուլուզի» հետ խաղում ստացած վնասվածքից և չի հասցնի լիովին վերականգնվել մինչև «Ռեալի» հետ հանդիպումը:
Ավելի վաղ հայտնի էր դարձել, որ ՊՍԺ-ի վնասվածք ունեցող մյուս հարձակվող Էդինսոն Կավանին ապաքինվել է վնասվածքից և մարզվում է ընդհանուր խմբում:
ՊՍԺ-ն «Ռեալի» հետ կմրցի սեպտեմբերի 18-ին: Հանդիպումը տեղի կունենա Փարիզի «Պարկ դե Պրենց» ստադիոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։