Ռուսաստանի հավաքականի գլխավոր մարզիչն ինքնասպան է եղել
15:37 29 օգոստոսի, 2012Վոլեյբոլի կանանց Ռուսաստանի հավաքականի գլխավոր մարզիչ Սերգեյ Օվչիննիկովն ինքնասպան է եղել։ Այդ մասին հայտարարել է թիմի նախկին գլխավոր մարզիչ Վլադիմիր Կուզյուտկինը։ Սակայն նա չի կարողացել նշել պատճառը, որը դրդել է 43-ամյա մարզիչին հեռանալ կյանքից։
«Իհարկե, մեծ հիմարություն է ինքնասպան լինելը։ Ես ցավակցում եմ։ Նա իմ ընկերն էր, գործընկերս։ Նրան ոչ ոք ոչ մի վատ բան չէր ասել։ Օլիմպիական խաղերում թիմը ձախողվել էր։ Բայց թքած դրա վրա։ Ես չեմ հասկանում, թե ինչու նա չդիմացավ»,- Կուզյուտկինի խոսքը մեջբերում է rusnovosti.ru-ն։
Հիշեցնենք, որ օգոստոսի 29-ին հայտնի էր դարձել Սերգեյ Օվչիննիկովի մահվան մասին։ Մարզիչը Մոսկվայի «Դինամոյի» հետ հավաքի էր մեկնել Խորվաթիա։ Նրա մահվան մասին հայտնել էր Ռուսաստանի վոլեյբոլի ֆեդերացիայի նախագահ Ալեքսանդր Յարեմենկոն։
Օվչիննիկովը Կուզյուտկինին փոխարինել էր 2011թ. հոկտեմբերին։ Լոնդոնի 30-րդ Օլիմպիական խաղերում Օվչիննիկովի գլխավորությամբ Ռուսաստանի հավաքականը քառորդ եզրափակիչում պարտվեց Բրազիլիայի թիմին, որը հետագայում հռչակվեց Խաղերի չեմպիոն։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.