Սուարեսը պատրաստ է խաղադաշտ վերադառնալ
22:08 11 սեպտեմբերի, 2019Իսպանիայի չեմպիոն «Բարսելոնայի» և Ուրուգվայի ազգային հավաքականի հարձակվող Լուիս Սուարեսը կկարողանա մասնակցել Իսպանիայի առաջնության չորրորդ տուրի՝ «Վալենսիայի» հետ խաղին, հայտնում է Sport.es-ը:
32-ամյա հարձակվողը սեպտեմբերի 11-ին տեղի ունեցած մարզման մեծ մասն անցկացրել է ընդհանուր խմբում, և սպասվում է, որ «Բարսելոնայի» գլխավոր մարզիչ Էռնեստո Վալվերդեն Սուարեսին կընդգրկի «Վալենսիայի» հետ հանդիպման հայտացուցակում:
Սուարեսը վնասվածք էր ստացել Լա Լիգայի առաջին տուրի՝ Բիլբաոյի «Աթլետիկի» հետ խաղում:
«Բարսելոնայի» առաջատար Լիոնել Մեսին շարունակում է մարզվել ընդհանուր խմբից առանձին՝ անհատական ծրագրով, և չի կարողանա մասնակցել «Վալենսիայի» հետ խաղին:
«Բարսելոնան» «Կամպ Նոու» ստադիոնում կընդունի «Վալենսիային» սեպտեմբերի 14-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։