Մաքգրեգորը՝ Պուարյեին. Ինձ 90 վայրկյան է հարկավոր քեզ ոչնչացնելու համար
21:20 11 սեպտեմբերի, 2019Խառը մենամարտերի թեթև քաշային կարգում նախկին չեմպիոն, իռլանդացի Քոնոր Մաքգրեգորը պատասխանել է ամերիկացի մարզիկ Դասթին Պուարյեին, որը Մաքգրեգորի հետ ռևանշ անցկացնելու ցանկություն էր հայտնել:
«Երբ դու խոսում ես իմ մասին, պետք է դա անես հարգանքով: Ինձ 90 վայրկյան է հարկավոր քեզ ոչնչացնելու համար: Մաքգրեգորի հետ մենամարտը քեզ համար պետք է նպատակ լինի, դու պետք է ձգտես մենամարտել ինձ հետ: Այդ ժամանակ ես կմտածեմ մենամարտել քեզ հետ, թե ոչ»,- գրել է Մաքգրեգորը Թվիթերյան իր պաշտոնական էջում:
Հիշեցնենք, որ սեպտեմբերի 7-ին Դասթին Պուարյեն պարտվեց UFC-ի չեմպիոն, ռուսաստանցի Խաբիբ Նուրմագոմեդովին:
Պուարյեի և Մաքգրեգորի մենամարտը տեղի է ունեցել 2014 թվականի սեպտեմբերի 27-ին: Մաքգրեգորը հաղթանակ է տարել տեխնիկական նոկաուտով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։