Մարալ Արթինը՝ ֆրանսիական «Լանս» տեղափոխվելու եւ Հայաստանի հավաքականի մասին
09:09 15 սեպտեմբերի, 2019Ֆուտբոլի կանանց Հայաստանի հավաքականի 19-ամյա խաղացող Մարալ Արթինը տեղափոխվել է ֆրանսիական «Լանս»։ Նախկինում Մյունխենի «Բավարիայում» հանդես եկած Արթինն այս ամռանը համալրել էր Երեւանի «Ալաշկերտի» թիմը եւ մասնակցել Չեմպիոնների լիգայի որակավորման փուլին։
NEWS.am Sport-ի թղթակցի հետ զրույցում Արթինը պատմեց Ֆրանսիա տեղափոխվելու եւ Հայաստանի հավաքականի հետ կապված ծրագրերի մասին։
«Տեղափոխվեցի Ֆրանսիայի առաջնություն․ նոր երկիր, նոր թիմ, նոր մարտահրավեր։ Իմ ընտանիքի օգնությամբ կկարողանամ կարեւոր քայլ կատարել առաջ։ Իմ գլխավոր խնդիրն է օգնել «Լանսին» դուրս գալ առաջին դիվիզիոն։
Ինչ վերաբերում է Հայաստանի հավաքականին, ապա հաջորդ տարի մեր առջեւ կդրվեն լուրջ խնդիրներ։
Հայաստանում կանանց ֆուտբոլն առաջընթաց է ապրում։ Այդ գործում մեծ ներդրում ունի Աննա Թադեւոսյանը։ Վստահ եմ, որ մոտ ապագայում կանանց Հայաստանի հավաքականը կխաղա աշխարհի կամ Եվրոպայի առաջնության եզրափակիչ փուլում»,- նշեց Արթինը։
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.