Իսպանական «Վալենսիայի» ղեկավարությունը պաշտոնանկ է արել թիմի գլխավոր մարզիչ Մարսելինո Գարսիային, հայտնում է ակումբի պաշտոնական կայքը:
«Վալենսիան» չի հայտնել Մարսելինո Գարսիային հեռացնելու պատճառները:
54-ամյա Գարսիային «Վալենսիայում» կփոխարինի Իսպանիայի Մ21 հավաքականի նախկին գլխավոր մարզիչ Ալբերտ Սելադեսը:
Մարսելինո Գարսիան «Վալենսիայի» գլխավոր մարզիչի պաշտոնում աշխատանքը սկսել է 2017 թվականին: Իսպանացի մասնագետի գլխավորությամբ «Վալենսիան» վերջին 2 մրցաշրջաններում դուրս է եկել Չեմպիոնների լիգայի խմբային փուլ, իսկ նախորդ մրցաշրջանում՝ դարձել Իսպանիայի գավաթակիր՝ եզրափակիչում հաղթելով «Բարսելոնային»:
Մեկնարկած մրցաշրջանում «Վալենսիան» Իսպանիայի առաջնությունում անցկացրած 3 խաղերից հետո 9 հնարավորից վաստակել է 4 միավոր և զբաղեցնում է մրցաշարային աղյուսակի 10-րդ տեղը:
«Վալենսիայի» հաջորդ մրցակիցն Իսպանիայի առաջնությունում կատալոնական «Բարսելոնան» է: Հանդիպումը տեղի կունենա սեպտեմբերի 14-ին «Կամպ Նոու» ստադիոնում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։