Պորտուգալիայի ազգային հավաքականի առաջատար Կրիշտիանու Ռոնալդուն Եվրոպայի առաջնության ընտրական փուլի 6-րդ տուրի՝ Լիտվայի հետ խաղից հետո հայտարարել է, որ դեռ չի պատրաստվում ավարտել կարիերան հավաքականում:
«Ինձ հրաշալի եմ զգում: Մենք լավ հանդիպում անցկացրեցինք և արժանի հաղթանակ տարանք: Պորտուգալիայի հավաքականն ընդգրկված է բավականին բարդ խմբում, և խմբային փուլ դուրս գալու համար մենք պարտավոր ենք հաղթել նաև հաջորդ խաղերում:
Զգում եմ, որ դեռ կարող եմ երկար ժամանակ օգտակար լինել Պորտուգալիայի հավաքականին»,- Ռոնալդուի խոսքը փոխանցում է ՈւԵՖԱ-ի մամուլի ծառայությունը:
Լիտվայի հավաքականի հետ խաղում Պորտուգալիան հաղթել է 5:1 հաշվով: Ռոնալդուն դարձել է պոկերի հեղինակ:
Պորտուգալիայի հավաքականը Եվրո-2020-ի ընտրական փուլի 6-րդ տուրից հետո 8 միավորով երկրորդն է B խմբում: Ֆերնանդու Սանտուշի գլխավորած թիմը 1 հանդիպում պակաս է անցկացրել մրցակիցներից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։