Կոուտինյո. «Բավարիա» տեղափոխվելուց հետո զրուցել եմ Կլոպի հետ
20:17 11 սեպտեմբերի, 2019Մյունխենի «Բավարիայի» և Բրազիլիայի ազգային հավաքականի կիսապաշտպան Ֆիլիպե Կոուտինյոն խոսել է իր նախկին գլխավոր մարզիչ Յուրգեն Կլոպի հետ ունեցած հարաբերությունների մասին, հայտնում է Bild-ը:
«Երբ տեղափոխվեցի «Բավարիա», Կլոպը կապ հաստատեց ինձ հետ և մեծ հաջողություններ մաղթեց նոր ակումբում: Կլոպն ասաց, որ «Բավարիան» մեծագույն ակումբ է, իսկ Բունդեսլիգան՝ հրաշալի առաջնություն:
Ես շատ լավ հարաբերություններ ունեմ Կլոպի հետ: Նրա հետ աշխատանքը շատ բան է տվել ինձ: Կարծում եմ, որ նա աշխարհի լավագույն մարզիչն է»,- ասել է 27-ամյա կիսապաշտպանը:
Ֆիլիպե Կոուտինյոյի տրանսֆերային իրավունքը պատկանում է կատալոնական «Բարսելոնային»: Բրազիլացի կիսապաշտպանն ընթացիկ մրցաշրջանը «Բավարիայում» անցկացնում է վարձակալությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։