Իտալիայի առաջնության ամենաբարձր վարձատրվող ֆուտբոլիստները
17:43 10 սեպտեմբերի, 2019Հայտնի են դարձել Իտալիայի առաջնության ամենաբարձր վարձատրվող ֆուտբոլիստները, հայտնում է La Gazzette dello Sport-ը:
Իտալիայում ամենաբարձր աշխատավարձը ստանում է Թուրինի «Յուվենտուսի» առաջատար Կրիշտիանու Ռոնալդուն՝ տարեկան 31 միլիոն եվրո: Ռոնալդուն ավելի բարձր աշխատավարձ է ստանում, քան «Ուդինեզեն», «Բրեշիան», «Վերոնան» և ՍՊԱԼ-ը վճարում են իրենց կազմին:
Ռոնալդուից հետո Իտալիայի առաջնությունում ամենաբարձրը վարձատրվում է «Յուվենտուսի» պաշտպան Մատեյս Դե Լիգտը՝ տարեկան 12 միլիոն եվրո: Դե Լիգտին հաջորդում են «Ինտերի» հարձակվող Ռոմելու Լուկակուն՝ 8.5 միլիոն եվրո, «Միլանի» դարպասապահ Ջանլուիջի Դոնարուման՝ 6 միլիոն եվրո և «Նապոլիի» պաշտպան Կալիդու Կուլիբալին՝ 6 միլիոն եվրո:
Աշխարհի ամենաբարձր վարձատրվող ֆուտբոլիստը «Բարսելոնայի» առաջատար Լիոնել Մեսին է, որի տարեկան աշխատավարձը կազմում է շուրջ 50 միլիոն եվրո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։