Ռամոս. «Ռեալի» դռները միշտ բաց են գերազանց ֆուտբոլիստների համար, Պոգբան նրանցից մեկն է
14:32 10 սեպտեմբերի, 2019Մադրիդի «Ռեալի» ավագ Սերխիո Ռամոսը կողմ է աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի տեղափոխությանն անգլիական «Մանչեսթեր Յունայթեդից» Արքայական ակումբ:
«Կարծում եմ՝ «Ռեալի» դռները միշտ բաց են գերազանց ֆուտբոլիստների համար, իսկ Պոգբան այդպիսի խաղացող է:
Պոգբան ցուցադրել է իր կարեւորությունը «Յուվենտուսում» եւ «Մանչեսթեր Յունայթեդում»:
Նա հավասարակշռություն է մտցնում թիմում, ունի հսկայական հարձակողական ազդեցություն»,- «Ռեալի» պաշտպանի խոսքը մեջբերում է Goal.com-ը:
Պոգբան իսպանական թիմի ֆրանսիացի գլխավոր մարզիչ Զինեդին Զիդանի տրանսֆերային նպատակներին մեկն էր ամառային տրանսֆերային պատուհանի ժամանակ, սակայն գործարքը տեղի չունեցավ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։