Հայաստանի ազգային հավաքականի և «Փյունիկի» 29-ամյա կիսապաշտպան Արաս Օզբիլիսը խոսել է Հայաստանի առաջնություն վերադառնալու դրդապատճառների մասին:
«Շատ ուրախ եմ, որ տեղափոխվել եմ «Փյունիկ»: Վնասվածքից ապաքինվելուց հետո շատ դժվար էր ինձ համար, և ես կարծում եմ, որ «Փյունիկ» տեղափոխությունը լավ հնարավորություն է մարզավիճակ ձեռք բերելու համար:
Երբ «Բեշիկթաշը» հրաժարվեց իմ ծառայություններից, հնարավորություն ունեի տեղափոխվել այլ երկրների առաջնություններ, սակայն ունեմ ընտանիք, երեխաներ և հենց այդ պատճառով որոշում ընդունեցի տեղափոխվել Հայաստան:
Հուսով եմ, որ «Փյունիկում» խաղալով՝ կկարողանամ վերադառնալ Հայաստանի ազգային հավաքական»,- Օզբիլիսի խոսքը փոխանցում է «Փյունիկի» մամուլի ծառայությունը:
Ավելի վաղ տեղեկացրել էինք, որ Օբզիլիսի նախկին ակումբը՝ «Բեշիկթաշը», խզել է պայմանագիրը ֆուտբոլիստի հետ:
Հայաստանի հավաքականում Օզբիլիզը խաղում է 2012 թվականից և այս ընթացքում հասցրել է մասնակցել 39 խաղի՝ դառնալով 6 գոլի հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։