Հայտնի են Պրեմիեր լիգայի օգոստոսի լավագույն մարզիչի ու ֆուտբոլիստի կոչման հավակնորդները

Պրեմիեր լիգայի պաշտոնական կայքը հրապարակել է մրցաշարի օգոստոսի լավագույն ֆուտբոլիստի և մարզիչի կոչման հավակնորդների անունները:

Անգլիայի առաջնության օգոստոս ամսվա լավագույն մարզիչի կոչմանը հավակնում են չեմպիոն «Մանչեսթեր Սիթիի» գլխավոր մարզիչ Պեպ Գվարդիոլան, փոխչեմպիոն «Լիվերպուլի» գլխավոր մարզիչ Յուրգեն Կլոպը, «Քրիսթալ Փելասի» գլխավոր մարզիչ Ռոյ Հոջսոնը և «Լեսթերի» գլխավոր մարզիչ Բրենդան Ռոջերսը:

Պրեմիեր լիգայի նախորդ ամսվա լավագույն ֆուտբոլիստի կոչմանը հավակնում են «Մանչեսթեր Սիթիի» ֆուտբոլիստներ Սերխիո Ագուերոն, Ռահիմ Ստերլինգը և Կևին Դե Բրույնեն, «Բարնլիի» հարձակվող Էշլի Բարնսը, «Լիվերպուլի» կիսապաշտպան Ռոբերտո Ֆիրմինոն, «Նորվիչի» հարձակվող Թեմու Պուկին:

Լավագույն մարզիչի ու ֆուտբոլիստի իրենց թեկնածուին երկրպագուները հնարավորություն ունեն ընտրել Պրեմիեր լիգայի պաշտոնական կայքում: 

Քվեարկության արդյունքները հայտնի կդառնան հաջորդ շաբաթ:

It's that time again!

Get voting for your @EASPORTSFIFA Player of the Month https://t.co/wMskDpXcxG #PLAwards pic.twitter.com/ieqBNyyJDo

— Premier League (@premierleague) September 6, 2019