Լեգենդար Պաոլո Ռոսին՝ Հայաստանի և Հենրիխ Մխիթարյանի մասին

09:09   5 սեպտեմբերի, 2019

Երևանում տեղի ունեցած Իտալիայի հավաքականի նախախաղային մարզումից հետո NEWS.am Sport-ը բացառիկ հարցազրույց ունեցավ լեգենդար Պաոլո Ռոսիի հետ:

Իտալիայի հավաքականի կազմում 1982 թվականի աշխարհի առաջնության լավագույն ռմբարկու դարձած և Եվրոպայի լավագույն ֆուտբոլիստ ճանաչված Ռոսին այժմ Rai հեռուստաընկերության վերլուծաբաններից է։ Նա իր կարծիքը ներկայացրեց Հայաստան - Իտալիա առաջիկա խաղի և Հենրիխ Մխիթարյանի մասին:

«Առաջին անգամ եմ Հայաստանում: Այստեղ ոչ միայն իմ առաջին օրն է, այլ նույնիսկ առաջին ժամերը (ծիծաղում է): Շատ լավ տպավորություններ ունեմ, գեղեցիկ քաղաք է, մարդիկ բարեհամբույր են: Եղանակն էլ լավն է:

Բայց վաղը կարևոր հանդիպում ունենք: Այս խաղը մեծ նշականակություն ունի Իտալիայի համար, որը 4 անընդմեջ հաղթանակ է տարել ընտրական փուլում: Պետք է շարունակենք հաղթարշավը: Այս պահին ֆուտբոլիստիների ֆիզիկական վիճակն այնքան էլ լավ չէ, քանի որ առաջնությունը նոր է մեկնարկել:

Հայաստանի հավաքականի կազմում գիտեմ Հենրիխ Մխիթարյանին: Շատ լավ ֆուտբոլիստ է: Բազմիցս տեսել եմ նրա խաղը: Շատ բարդ հանդիպում է սպասվում: Կարծում եմ, որ Իտալիան կհաղթի 2:1 հաշվով»,- նշեց Պաոլո Ռոսին:

Հայաստան - Իտալիա հանդիպումը տեղի կունենա սեպտեմբերի 5-ին «Հանրապետական» ստադիոնում եւ կմեկնարկի 20։00-ին։

Սամվել Սուքիասյան



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.