Ռոբերտո Մանչինի․ Հայաստանի հավաքականը հնարավորություններ ունի պայքարելու երկրորդ տեղի համար

19:38   4 սեպտեմբերի, 2019

Ֆուտբոլի Իտալիայի ազգային հավաքականի Ռոբերտո Մանչինին Երեւանում պատասխանեց լրագրողների հարցերին Եվրո-2020-ի ընտրական հանդիպման նախախաղային ասուլիսում։

«Հենց սկզբից չենք թաքցրել, որ պայքարելու ենք խմբում առաջին տեղի համար: Այդ առումով ոչինչ չի փոխվել:

Ունենք կադրային խնդիրներ: Տեսնենք, արդյոք կկարողանանք լուծել ուղեգրի հարցը առաջիկա 2 խաղերում:

Հայաստանի հավաքականի հարձակման գծի 4 խաղացողները տարբերվում են: Մեր խաղի մշակման մեջ այդ փաստին ուշադրություն ենք դարձնում:

Կարծում եմ, որ Հայաստանի հավաքականը իր իսկական ներուժը ցուցադրեց երրորդ և չորրորդ տուրերում: Մարզիչին ժամանակ է պետք իր խաղային փիլիսոփայությունը ֆուտբոլիստներին փոխանցելու համար:

Ունենք շուրջ 8 կորուստ: Միգուցե, խնդիրն այն է, որ առաջնությունը նոր է մեկնարկել և լարվածությունը մեծ է: Կարծում եմ, որ Հայաստանի հավաքականը հնարավորություններ ունի պայքարելու երկրորդ տեղի համար: Հեշտ չի լինելու»,- նշեց Ռոբերտո Մանչինին:

Հայաստան - Իտալիա հանդիպումը տեղի կունենա սեպտեմբերի 5-ին «Հանրապետական» ստադիոնում եւ կմեկնարկի 20։00-ին։

Սամվել Սուքիասյան

Ֆոտո՝ Էմմա Ասատրյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։