Աշոտ Վարդապետյանը՝ աշխարհի գավաթի խաղարկության գլխավոր մրցավար
16:08 4 սեպտեմբերի, 2019Հայաստանի ներկայացուցիչ, միջազգային մրցավար Աշոտ Վարդապետյանը նշանակվել է շախմատի աշխարհի գավաթի խաղարկության գլխավոր մրցավար, հայտնում է ՀՇՖ-ի կայքը։
Մրցաշարը տեղի կունենա սեպտեմբերի 9-ից հոկտեմբերի 4-ը Ռուսաստանի Խանտի Մանսիյսկ քաղաքում։
Աշոտ Վարդապետյանը գլխավոր մրցավար է եղել նաեւ 2012թ․ Անանդ - Գելֆանդ և 2013թ․ Անանդ - Կարլսեն չեմպիոնական մրցախաղերում:
Աշխարհի գավաթի խաղարկության առաջին շրջանում հայկական շախմատի առաջատար Լեւոն Արոնյանի մրցակիցը կլինի եգիպտացի Էսամ Էլ Գինդին, Սերգեյ Մովսեսյանը կմրցի ռուսաստանցի Գրիգորի Օպարինի, Ռոբերտ Հովհաննիսյանը՝ ռուսաստանցի Անտոն Դեմչենկոյի հետ։
Աշխարհի չեմպիոն, համաշխարհային դասակարգման առաջին համար, նորվեգացի Մագնուս Կարլսենը եւ երկրորդ համար, ամերիկացի Ֆաբիանո Կարուանան չեն մասնակցի աշխարհի գավաթի խաղարկությանը
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։