Լորենցո Ինսինիեն վնասվածք է ստացել եւ չի օգնի Իտալիայի հավաքականին Երեւանում

16:01   3 սեպտեմբերի, 2019

Իտալական «Նապոլիի» հարձակվող Լորենցո Ինսինիեն մկանային վնասվածքի պատճառով չի օգնի Իտալիայի հավաքականին Հայաստանի թիմի դեմ Եվրո-2020-ի ընտրական խաղում, հաղորդում է football-italia.net-ը։

28-ամյա ֆուտբոլիստը վնասվածքը ստացել էր «Յուվենտուսի» դեմ Իտալիայի առաջնության երկրորդ տուրի խաղում եւ փոխարինվել ընդմիջմանը։ «Նապոլին» պարտվել էր 3։4 հաշվով։ Ապաքինման ժամկետների մասին չի նշվում։

Իտալիայի հավաքականում Ինսինիեին կփոխարինի գերմանական «Ֆրայբուրգի» կիսապաշտպան Վինչենցո Գրիֆոն։

Հայաստան - Իտալիա հանդիպումը տեղի կունենա սեպտեմբերի 5-ին Երեւանում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։