Ֆուտբոլի Հայաստանի առաջնության բարձրագույն խմբի 5-րդ տուրում «Փյունիկը» մրցեց «Երևանի» հետ: Ալեքսանդր Տարխանովի գլխավորած թիմը 4:1 հաշվով հաղթանակ տարավ:
9-րդ րոպեին խաղի հաշիվը բացեց մակեդոնացի կիսապաշտպան Դենիս Մահմուդովը, որը 42-րդ րոպեին դուբլ ձևակերպեց: 28-րդ րոպեին «Փյունիկի» երկրորդ գոլը խփեց Հայաստանի ազգային հավաքականի կիսապաշտպան Արտյոմ Սիմոնյանը: Առաջին խաղակեսի ավելացված ժամանակում ինքնագոլի հեղինակ դարձավ «Երևանի» ռուսաստանցի պաշտպան Մաքսիմ Եվստիգնեևը: 85-րդ րոպեին «Երևանի» միակ գոլը խփեց Ռամազան Իսաևը:
Այժմ «Փյունիկը» 6 միավորով 6-րդն է մրցաշարային աղյուսակում, իսկ «Երևանը»՝ 5 խաղից հետո չունի վաստակած միավոր:
Հայաստանի առաջնություն, Բարձրագույն խումբ, 5-րդ տուր
«Փյունիկ» - «Երևան»՝ 4:1
Դենիս Մահմուդով, 9, 42, Արտյոմ Սիմոնյան, 28, Մաքսիմ Եվստիգնեև (ինքնագոլ) - Ռամազան Իսաև, 85
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։