Նադալ․ Խաչանովի պարտությունն անակնկալ էր

13:43   28 օգոստոսի, 2019

Աշխարհի երկրորդ ռակետ, իսպանացի Ռաֆայել Նադալը մեկնաբանել է թենիսի ԱՄՆ-ի բաց առաջնության առաջին շրջանի արդյունքները։ Առաջատար տասնյակից չորս թենիսիստներ արդեն առաջին շրջանում դուրս են մնացել պայքարից։ Պարտություն էր կրել նաեւ ռուսաստանցի Կարեն Խաչանովը։

«Սա թենիս է, յուրաքանչյուր մրցակցին պետք է հարգել։ Իհարկե, Կարեն Խաչանովի պարտությունն անակնկալ էր։

Ցիցիպասը շատ ծանր հանդիպում ունեցավ առաջին շրջանում։ Տիմը վատ էր զգում արդեն 10 օր։ Բաուտիստա-Ագուտի պարտությունը եւս անսպասելի էր»,- Նադալի խոսքը մեջբերում է ESPN-ը։

Առաջին շրջանու Ռաֆայել Նադալը մրցեց ավստրալացի Ջոն Միլմանի հետ եւ առավելության հասավ երեք սեթում՝ 6:3, 6:2, 6:2։ Նրա հաջորդ մրցակիցը կլինի ավստրալացի Թանասի Կոկինակիսը։

Խաչանովը 6:4, 5:7, 5:7, 6:4, 3:6 հաշվով պարտություն կրեց կանադացի Վաշեկ Պոսպիշիլից։

ԱՄՆ-ի բաց առաջնությունը կավարտվի սեպտեմբերի 8-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։