«Լիվերպուլը» նոր պայմանագիր կառաջարկի Ժոել Մատիպին

17:47   27 օգոստոսի, 2019

Անգլիական «Լիվերպուլի» ղեկավարությունը պատրաստվում է նոր պայմանագիր առաջարկել թիմի կամերունցի պաշտպան Ժոել Մատիպին, հայտնում է The Athletic-ը:

«Լիվերպուլի» գլխավոր մարզիչ Յուրգեն Կլոպը գոհ է 28-ամյա պաշտպանի ցուցադրած խաղից և ցանկանում է երկար ժամանակ իր տրամադրության տակ ունենալ ֆուտբոլիստին:

Մատիպի պայմանագիրը մերսիսայդյան ակումբի հետ նախատեսված է մինչև 2020 թվականի հունիս:

Մատիպը «Լիվերպուլում» հանդես է գալիս 2016 թվականից: Կամերունի ազգային հավաքականը ներկայացնող ֆուտբոլիստն անգլիական ակումբ է տեղափոխվել գերմանական «Շալկե 04»-ից:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։