Միլանի «Ինտերի» գլխավոր մարզիչ Անտոնիո Կոնտեն Իտալիայի առաջնության առաջին տուրում «Լեչեի» նկատմամբ հաղթանակ տանելուց հետո խոսել է իր թիմի ցուցադրած խաղի, նաև Ռոմելու Լուկակուի մասին:
«Մենք շատ լավ հանդիպում անցկացրեցինք: «Ինտերը» խաղում էր այն ֆուտբոլը, որը ես ցանկանում էի տեսնել այս թիմից: Իհարկե, մենք դեռ շատ աշխատելու տեղ ունենք, սակայն վստահ եմ, որ ամեն ինչ կստացվի:
Լուկակուն լավագույն ձևով է ընտելացել «Ինտերի» խաղին: Նա միշտ ժպտում է, պատրաստ է անդադար աշխատել և օգնել թիմին»,- Կոնտեի խոսքը մեջբերում է DAZN-ը:
Իտալիայի առաջնության առաջին տուրում «Ինտերը» 4:0 հաշվով հաղթեց «Լեչեին»: Թիմի նորեկ Ռոմելու Լուկակուն դարձավ «Ինտերի» երրորդ գոլի հեղինակը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։