Գվարդիոլա. Ագուերոն և Սիլվան յուրահատուկ ֆուտբոլիստներ են
19:51 26 օգոստոսի, 2019Անգլիայի չեմպիոն «Մանչեսթեր Սիթիի» գլխավոր մարզիչ Խոսեպ Գվարդիոլան Պրեմիեր լիգայի երրորդ տուրում «Բորնմութին» հաղթելուց հետո բարձր է գնահատել թիմի կիսապաշտպան Դավիդ Սիլվայի և հարձակվող Սերխիո Ագուերոյի դերը թիմում:
«Ագուերոն և Սիլվան յուրահատուկ ֆուտբոլիստներ են: Ագուերոն անհասկանալի կերպով կարողանում է մտնել մրցակցի տուգանային հրապարակ, իսկ Դավիդ Սիլվան փոքր տարածությունների վրա հրաշքներ է գործում»,- Գվարդիոլայի խոսքը մեջբերում է Reuters-ը:
Հիշեցնենք, որ Անգլիայի առաջնության երրորդ տուրում «Մանչեսթեր Սիթին» հաղթանակ տարավ 3:1 հաշվով: Արգենտինացի հարձակվող Սերխիո Ագուերոն «Բորնմութի» հետ խաղում խփեց իր կարիերայի 400-րդ գոլը, իսկ իսպանացի կիսապաշտպան Դավիդ Սիլվան 400-րդ հանդիպումն անցկացրեց «Մանչեսթեր Սիթիի» կազմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։