«Բարսելոնայի» 16-ամյա խաղացողի նորամուտը՝ ռեկորդից երկու օր պակաս

«Բարսելոնայի» կիսապաշտպան Անսումանե Ֆատին գլխավոր թիմում նորամուտը նշել է Իսպանիայի առաջնության երկրորդ տուրում, «Բետիսի» դեմ խաղում (5։2)։ 78-րդ րոպեին նա փոխարինել է իսպանացի Կարլես Պերեսին։

Գվինեա Բիսաուն ներկայացնող 16-ամյա Ֆատին դարձավ կատալոնական ակումբի պատմության մեջ երկրորդ ամենաերիտասարդ ֆուտբոլիստը։ Նորամուտի օրը նա 16 տարեկան 300 օրական էր։ Ռեկորդին չհերիքեց երկու օր։

«Բարսելոնայում» նորամուտը նշած ամենաերիտասարդ ֆուտբոլիստը եղել է Վիսենտե Մարտինեսը, որը 1941-1942 թվականների մրցաշրջանում առաջին անգամ գլխավոր թիմում խաղացել է 16 տարեկան 298 օրականում։

Ֆատին «Բարսելոնայի» ակադեմիայի սան է։ Այս ամռանը նա կնքել է 3 տարվա պայմանագիր։