«Արարատ-Արմենիայի» հաղթանակը

20:48   25 օգոստոսի, 2019

Ֆուտբոլի Հայաստանի Բարձրագույն խմբի առաջնության չորրորդ տուրում չեմպիոն «Արարատ-Արմենիան» Ավանի ֆուտբոլային ակադեմիայում մրցեց «Երեւանի» հետ։

2։1 հաշվով հաղթանակ տարավ Վարդան Մինասյանի գլխավորած թիմը։

Արդեն 10-րդ րոպեին հանդիպման հաշիվը բացեց 31-ամյա ռուսաստանցի պաշտպան Դմիտրի Գուզը։

23-ամյա նիգերիացի հարձակվող Լուիս Օգանան կրկնապատկեց հաշիվը 29-րդ րոպեին։

«Արարատ-Արմենիան» երեք խաղում 9 միավորով հավասարվեց առաջատար «Արարատին», որը նույնպես երեք հանդիպում է անցկացրել եւ գոլերի տարբերությամբ առաջինն է։ «Շիրակը» 4 խաղից հետո է 9 միավորով երրորդ տեղում։ «Երեւանը» չորս պարտություն է կրել եւ առանց միավորի վերջին տեղում է։

Հայաստանի առաջնություն, չորրորդ տուր

«Երեւան» - «Արարատ-Արմենիա»՝ 1։2

Ռամազան Իսաեւ, 90+4 - Դմիտրի Գուզ, 10,Լուիս Օգանա, 29



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։