Ֆավր. «Բորուսիան» հաղթանակի հասավ համբերության շնորհիվ

Դորտմունդի «Բորուսիայի» գլխավոր մարզիչ Լյուսիեն Ֆավրը Գերմանիայի առաջնության երկրորդ տուրի՝ «Քյոլնի» հետ խաղից հետո խոսել է իր ֆուտբոլիստների ցուցադրած խաղի և հանդիպման ընթացքի մասին:

«Գիտեինք, որ «Քյոլնի» հետ հանդիպումը ծանր է լինելու մեզ համար: Առաջին խաղակեսում չկարողացանք ցուցադրել մեր խաղը, այդ պատճառով «Քյոլնը» առավելության հասավ: Ամեն ինչ փոխվեց երկրորդ խաղակեսում, երբ խաղադաշտ դուրս եկան Բրանդտն ու Հակիմը:

Շատ գոհ եմ «Բորուսիայի» ցուցադրած խաղից: Մենք հաղթեցինք համբերության շնորհիվ»,- Ֆավրի խոսքը մեջբերում է Bild-ը:

Հիշեցնենք, որ «Բորուսիան» 3:1 հաշվով հաղթանակ է տարել «Քյոլնի» նկատմամբ: