Զիդան․ Իրավիճակը փոխվել է, Բեյլը մնում է

15:54   23 օգոստոսի, 2019

Մադրիդի «Ռեալի» ֆրանսիացի գլխավոր մարզիչ Զինեդին Զիդանը հայտարարել է, որ ուելսցի հարձակվող Գարեթ Բեյլը այս ամռանը չի հեռանա թիմից։

«Բեյլի հետ կապված իրավիճակը փոխվել է։ Ճիշտ է, որ նա ցանկանում է մնալ թիմում։ Շատ էին խոսակցությունները Գարեթի տրանսֆերի մասին, բայց հիմա կարեւոր է այն, որ նա մնում է թիմում։ Բեյլը կարեւոր խաղացող է, եւ նա պետք է շարունակի ցուցադրել դա»,- Զիդանի խոսքը մեջբերում է ակումբի մամուլի ծառայությունը։

Բեյլը «Ռեալում» է 2013 թվականից։ Անցած մրցաշրջանում նա մասնակցել է 42 հանդիպման, խփել 14 գոլ, կատարել 6 գոլային փոխանցում։

Անցած ամիս Զիդանը հույս էր հայտնել, որ Բեյլը կհեռանա թիմից։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։