ԵԼ․ «Արարատ-Արմենիան» հաղթում է «Դյուդելանժին» (առաջին խաղակես, ֆոտո)

19:45   22 օգոստոսի, 2019

Ֆուտբոլի Եվրոպայի լիգայի որակավորման փլեյ-օֆֆ փուլի առաջին խաղում Հայաստանի չեմպիոն «Արարատ Արմենիան» Վազգեն Սարգսյանի անվան «Հանրապետական» ստադիոնում մրցում է Լյուքսեմբուրգի չեմպիոն եւ գավաթակիր «Դյուդելանժի» հետ:

Առաջին խաղակեսից հետո նվազագույն հաշվով հաղթում է Վարդան Մինասյանի գլխավորած թիմը։ 22-րդ րոպեին բուլղարացի կիսապաշտպան Գեորգի Պաշովի փոխանցումից հետո գլխով կատարած հարվածով մրցակցի դարպասը գրավեց հոլանդացի հարձակվող Մաիլսոն Լիման։

Ընդմիջում է։

Հիշեցնենք, որ հայկական ֆուտբոլի պատմության մեջ առաջին անգամ Հայաստանի թիմը դուրս է եկել Եվրոպայի լիգայի որակավորման փլեյ-օֆֆ փուլ: Եվրոպայի լիգայի որակավորման նախորդ 2 փուլերում «Արարատ-Արմենիան» երկու խաղերի արդյունքում հաղթել էր Ջիբրալթարի չեմպիոն «Լինքոլնին» (2։0, 2։1) եւ Վրաստանի չեմպիոն «Սաբուրթալոյին» (1։2, 2։0)։ Վարդան Մինասյանի գլխավորած թիմը Չեմպիոնների լիգայի որակավորման առաջին փուլում չէր հաղթահարել Շվեդիայի չեմպիոն ԱԻԿ-ի արգելքը (2:1, 1:3):

Եվրոպայի լիգա, որակավորման վերջին փուլ, առաջին խաղ

«Արարատ-Արմենիա» - «Դյուդելանժ»՝ 1։0 (առաջին խաղակես)

Մաիլսոն Լիմա, 22

«Արարատ-Արմենիա». Դմիտրի Աբակումով, Գեորգի Պաշով, Անժելու Մենեզես, Ալեքսանդր Դամչեւսկի, Ռոժդի Աչենտե, Ալֆոնս Կոջո, Գոռ Մալաքյան, Մաիլսոն Լիմա, Ֆուրջել Նարսինգ, Պետրոս Ավետիսյան, Անտոն Կոբյալկո:

Ֆոտո՝ Էմմա Ասատրյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։